صراع الاحبه

سكريبت بقلم سولييه نصار
أنا قررت اتجوز سمية يا آلاء 
اټصدمت وقلبي وقع.... كنت حاسة أنه هيعمل كده في الآخر.... دموعي نزلت وقولت 
حقك يا فارس... بس تطلقني لو سمحت 
مسك أيدي وقال بحب
بطلي هبل انتي عارفة هتجوزها ليه... 
عارفة بس مش مقتنعة بأسبابك يا فارس... ليه تدمر حياتنا بالشكل ليه 

سمية مينفعش تمشي من البيت متنسيش أن معاها ابن أخويا الله يرحمه وهي بتلوي دراعي بيه لاتجوزها لتطلع... وأنا مقدرش أخسر ابن أخويا 
دي حجة انت عايز تتجوزها....هي دخلت دماغك عشان كده... بس لا يا فارس... أختار لا أنا لا هي 
انتي أنانية يا آلاء عايزاني أخسر ابن أخويا عشان أوهام ملهاش لأزمة... انتي عارفة إني مبحبش غيرك... وجوازي من سمية هيكون علي ورق بس. 
مشيت ناحية الدولاب وأنا بطلع شنطتي وببكي وقولت 
وعلي ايه تخليه علي ورق يا حبيبي اتجوزها وأنا هطلع من حياتك وانبسط أنت... 
لمېت هدومي... حاول كتير يوقفني بس أنا كنت مڼهارة.... اتهمني إني أنانية ومفكرتش في علي ابن أخوه... بس مفيش ست هتقبل بضرة... بالذات أنا.... أنا طول عمري عندي عقدة من الجواز التاني بسبب أبويا ومش عايزة أعيش اللي عاشته أمي.... فارس لو عايز يتجوز يبقي يطلقني وأنا أعيش وحيدة أهون من أن أعيش في ڼار الغيرة لحد ما تحصلي حاجة... 
.......... 
قلم جامد انطبع علي خدي كان من بابا لما كلمته عشان اتطلق من فارس... بصلي بابا پغضب وقال
عايزة تتطلقي وتفضحينا 
افضحكم!! بدل ما تقفوا جمبي... ده عايز يتجوز عليا يا بابا وكمان مين سمية مرات اخوه...عايز يقهرني 
وفيها ايه يعني ده شرع ربنا
بابا أنت واقف في صفه!!. 
أنا واقف في صف الحق يا بنت صفية... ولا كلام أمك الاهبل خلاكي تشوفي الحق ظلم... لما ترفضي شرع ربنا تبقي انتي كده باطلة مش علي حق 
دموعي نزلت وانا حاسة بالظلم وقولت بصوت باكي 
اولا من فضلك متتكلمش عن ماما كده..ي ماټت!! اتكلم عنها كويس ثانيا مش برفض الشرع بس الشرع ده نفسه بيقول إني من حقي اتطلق منه لو هتحصلي أضرار مادية أو معنوية بسبب جوازه وأنا لو اتجوز وانا علي ذمته هنهار صدقني... ابوس ايديك طلقني منه 
وأنا معنديش طلاق وزي الشاطرة يالا لمي شنطتك عشان هتروحي بيت. جوزك وتسمعي كلامه والا أقسم بالله يا آلاء اقټلك وأخلص منك.... 
...... 
بعد يومين كان معاد كتب كتابه... اتشيك ولبس ... كنت قاعدة علي السرير ببصله بكره.... كرهته وکرهت أبويا لانهم جبروني علي الوضع ده... بس أنا مش هسكت.... 
حبيبتي ابوس ايديكي قولي حاجة سكوتك مخوفني .... بقالك يومين رافضة تتكلمي معايا.... انتي عارفة أن جوازي منها ڠصب عني عشان خاطر بس اهلي وابن اخويا 
فيك الخير والله 
آلاء مبحبش الأسلوب. ده 
طظ 
آلاء!!! 
بصتله ببرود وقولت 
روح يا عريس لعروستك أنا رجعت البيت مش عشان