بعد عشرين سنة جواز
المحتويات
زهق من المشاكل ..
20 سنة جواز ..
وفى الاخر اخد قراره ..
رجع من شغله ..
قالت له احضر لك الغدا
قال لها .. لأ .. انا عايز اقولك على حاجة
متهيألى انا عملت كل اللى عليا
طول السنين اللى فاتت
بس انا مش قادر استحمل زيادة
وخاېف انى اخسر اكتر من اللى خسرته
عشان كدة انا قررت انى ابعد ..
مش هينفع اكمل حياتى معاكى
وتقدروا تعتمدوا على نفسكم من غيرى
وانا كدة كدة هاسيب لكم اللى يكفيكم ..
كانت قاعدة قدامه متماسكة كعادتها ..
مافكرتش تدافع عن نفسها ..
رغم انها عارفة انه بيقابل واحدة تانية ..
كل اللى قالته له ..
محتاجة منك شهر واحد
قال لها .. وايه اللى هيحصل فى الشهر ده
قالت له .. دا اخر طلب ..
سكت شوية ..
وف الاخر قال لها .. شهر واحد مش اكتر
بكل كسرة قالت له .. ربنا يخليك
بس انا عايزاك فى الشهر ده .. كل يوم تتغدى معانا
وبعد الغدا .. تشيلنى لحد الأوضة
قال لها .. ايه الكلام الغريب ده
قالت له ..
دى اول مرة اطلب منك طلب .. ارجوك اقبل
بكل تغصب قال لها .. موافق ..
وبعدها هابقى بحريتى
تانى يوم رجع فى ميعاد الغدا .. وقعد على السفرة
بص لولاده وهم بيحطوا الاطباق ..
ومامتهم فى المطبخ
لقاهم منظمين جدا .. نضاف جدا ..
بيحطوا له الاكل بمنتهى الأدب ..
قعد ياكل وهو بيراقبهم بعينيه ..
بقاله كتير ما أكلش معاهم
لقاهم بيتكلموا مع مامتهم فى حياتهم وظروفهم
خلصوا الاكل .. والولاد دخلوا اوضتهم
فضل قاعد مستنى الأم عشان يشيلها لحد الاوضة
مر حوالى ساعة وهى واقفة بتنضف المطبخ بعد الغدا
وجات له .. قام لف ايديه حواليها وشالها
فى الاول كان مستغرب .. ومتضايق ..
وصلها الاوضة .. وخرج علطول ..
عشان يرتب حاله عشان يخرج
تانى يوم .. اتكررت نفس الاحداث ..
بس اخد باله .. لأول مرة
انها خست جدا وبقت هزيلة .. بس لسة جميلة
تالت يوم وهو شايلها ..
بص على شعرها من غير ما تاخد بالها
لقاه مليان خصلات
متابعة القراءة
