اسمراااتي
وأنا متعصب من كل الي بيحصل لاقيته بيقولي بضيق
أنت عملت اي وصلها للحاله دي.
عملت اي دي واحده نصا.. .. به انا معرفهاش
انت شكل الغيبوبه لحست مخك نصا.. .. به اي دي خطيبتك ومعاها خاتم والدتك الي انت قلت بنفسك هتديه للي قلبك ميل ليها فاكر ولا كمان نسيت كلامك دا.
اي.
قلت پصدمه ازاي وصلها الخاتم معقول سر.. .. . قته بس ازاي محدش يعرف مكانه ابدا سمعت كلام والدي تاني بيقول بخيبه أمل
شاهندا.
قلتها بغ.. .. .. ضب وأنا بفتكر الي عملتو فيا هى ومصطفى بس مين دي ولي اصلا تقف مكاني وتعمل كل دا وأنا معرفهاش وازاي وصلها خاتم والدتي.!
هات بقى التوكه يا يحيى بطل رخامه
رميت التوكه من أيدي من المشهد الي جه في دماغي واتنهدت وأنا بفكر في الي هعمله في شاهندا ومصطفى
وبعدين يايحيى هتفضل كدا
كتير
كدا ازاي!
زعلان يايحيى مهموم انت ليه سبت وعد يايحيى.!
وعد..
قمت جريت وأنا بفتكر كل الي حصل أنا إزاي عملت كدا إزاي نسيتها إزاي.!!!
وصلت لبيتها ونزلت من العربيه طلعت بيتهم وخطبت على الباب فتح والدها
وعد موجوده.!
في اي يابني لا حول ولا قوة الا بالله انا ابوها على فكره لو مش واخد بالك.
أنا آسف ياعمي حقيقي آسف أنا أنا الغيبوبه كانت مأثره عليا ونستني حاجات كتير حقيقي
نزلت راسي بحزن سمعت تنهيدته واستغفارو وقالي ادخل لحظات ولقتها قدامي واقفه مربعه ايدها ووشها بارد
افندم.! في حاجه يا استاذ يحيى يمكن حاجه ضايعه جايه تسألني خدتها.
اتقدمت منها خطوه وأنا بقول بندم
وعد أنا اسف حقيقي آسف انا مكنتش فاكر اي حاجه حصلتلي وقت الغيبوبه صدقيني أنا افتكرت كل حاجه.
رجعت خطوه لورا وقالت
وأنا أسفه مش هقدر أنسى الي قولته يايحيى.
وأنا شايفها مش راضيه تسامحني اتقدمت منها بسرعه وأنا بقولها
وعد اوجوكي أنا بحبك ياوعد
اتسمرت مكانها وبصتلي وقالت
ايه.!!!
ايه.!!
أنت قولت اي.
أنا قلت اي!
نفخت وكانت هتدخل اوضتها
خلاص اسف بقولك بحبك يامغلبا اهلي
انا هجيب بابا ياعمي ونيجي نتقدم لوعد بالليل بإذن الله
موافقه ياوعد.
ميلت راسها على سؤال باباها ووشها أحمر
ابتسم وقال
أنا هوافق علشان خاطرك وهو أعتذر.
بالليل خدت والدي واخويا
ورحنا نتقدم لوعد مكنتش مصدق إن كل دا يحصل ولحد دلوقتي مكنتش بعرف ليه وقت الغيبوبه كنت بروح أقف قدام شركتها القديمه وحاسس إن ضالتي هناك بس اتأكدت إن ربنا كان بيديني إشارة واحلى إشارة كمان.
باب المكتب خبط وسمحت للي بره يدخل لاقتها قدامي بفستان رقيق أبيض بتبتسم وقعدت قدامي ابتسمت وأنا بقوم وقعدت قدامها
اي النهار العسل دا
عسل.! بقيت بيئه اوي يا يحيى.
من عاشر قوم أربعين يوم يا عيون يحيى
ضحكنا واحنا بنفتكر نفس الحوار رفعت ايدها الي فيها الدبله وقالت
بكره دي هتتنقل من الايد دي للتانيه.
احلى نقله والله.
ضحكت بخجل وقالت وهى بتقوم
يالا علشان تيجي معايا نشتري فستان كتب الكتاب.
عيني.
مسكت المفاتيح ومشينا من الشركه وصلنا للمحل وجبنا الفستان والليل جه معاد كتب الكتاب كان في بيتها وسط اهلها وأهلي أما الفرح هيكون في الفيلا عندنا
بارك الله لهما وبارك عليهما وجمع بينهما في خير
بارك الله لهما وبارك عليهما وجمع بينهما في خير
بارك الله لهما وبارك عليهما وجمع بينهما في خير..
صوت الزغاريط ملا الشقه ومعرفتش اتلم عليها خالص بسبب الناس والناس بقت تمشي لحد مبقي بس بابا واخويا وباباها ومامتها دخلت اوضتها بالراحه ولاقتها واقفه في البلكونة
كنت حاسس هلاقيكي هنا اخيرا لقيتك
ضحكت بخجل وقالت بهمس
فاكر لما كنا بنقعد نتكلم هنا.
أكيد ودي
تتنسي
ضحكت بخجل
معقول ام لسانين مكسوفه.!
بصتلي بسرعه وقالت بضيق
بردك هتفضل تقولي الكلمه دي.
احلى ام لسانين في حياتي كلها
ضحكت
اسمراااني عيونه سمرااا واد جدع راضي و رجوووله.
غنيت بشقاوه وهى كملت بضحك
فهلوي يفهمها طايره يدخل القلب بسهوووله
ضحكت وبعد شويه هديت سمعت تنهيدتها وابتسمت سمعت صوت مامتها بتنادي علشان جهزت السفره.
دخلنا جوه وبدأت من هنا حياتنا الجديده الهاديه الي مش بتهدي من مشاكستها العسل على قلبي..
كنت شريد بين طرقات الزمن أعاني من أقرب الأشخاص حتى ظهرت هى مثل النور شعاعها أضاء قلبي معها.
روايات_واسكريبتات_مميزة
حدوته لقاء بدون تخطيط.
بنت آل يحيى أميرة يحيى حدوته وعد ويحيى
