رواية الحوت

هايبص الناحيه دى ... وقدام الحارة كلها ....جهزوا بكرة للفرح واعزموا كل التجار ... عاوزاها ليله محصلتش.
واحد من رجاله امرك يا كبير .
رحيم انت يا حمار ياللى اسمك حسن قوم كدة وجبلى مأذون على بليل هانكتب الكتاب .. وابعت الزفته سماح كوافيرة الحته تمكيجها .
حسن بضعف كح .. كح .. حا ... حاضر.
حسن اتحرك وقام جاب سماح الكوافيرة لرحيم .

حسن اهى سماح يا كبير.. اروح انا اشوف حوار المأذون
رحيم روووح انت.
سماح بتاكل لبان امرك يا سى رحيم .
رحيم بصوت واطى لا انا لازم امنع دخول اللبان دة الحارة ... منا مش هاستحمل قرفهم دة كتير.
سماح بتتصعب سلامه النظر يا سى رحيم بتبص فى الارض وبتكلم مين .. انا واقفه قدامك اهو .
رحيم معاكى منديل يا بت .
سماح لا والنبى ما معايا ... فى كم العبايه وبتصرف .
رحيم ابو قرفك يابنت ال .
سماح نعم يابيه ...نعم جايبنى من شغلى علشان تسألنى على منديل .
رحيم بعصبيه بطلى اكل لبان ... انا جايبك علشان تمكيجى عروستى فرحى بكرة .
سماح رقعت زغروطه مصريه اصيله .
سماح الف ينهار مبروك ... عروستك دة انا هاظبطها هاخليها مزة .
رحيم هى اصلا مزة .. مش محتاجاكى بس علشان مبيقاش اسمى قصرت .
سماح شهقت انت تقصر ... ياخرابى يا سى رحيم ...دة انت مشاء الله عليك على قلبك فلوس زى الرز .
رحيم خمس فى وشها خمسه فى وشك يا قرارة والله انا خاېف عليها لترقعيها عين توديها فى داهيه .
سماح دة انا عينى حلوة .... امى على طول بتقولى عينك شديدة يابت يا سماح .
رحيم اه بتجيب من اول نظرة ... صدقت امك .. يالا الله يجحمها مطرح ما راحت .... انتى هاترغى معايا يالا ... يالا يابت ادخلك عليها .
رحيم ډخلها البيت ...ونادى على رحمه.
رحيم رحمممممممممممه.
رحمه خرجت من اوضتها ع صوته اللي زي الواد اللي بيحي العلم في طابور المدرسه 
رحمه برقه نعم.
سماح شهقت يالهوى ايه الحلاوة دى ... دى لهطه قشطه.
رحمه بتبص لرحيم مين دي!.
رحيم بهمس دى اللى هاتجيب اجلك قبل ما اتجوزك .
رحيم اتحرك ناحيه رحمه ولم شعرها بصى يا سماح متنحيش اوى كدة ... متجيش ناحيه شعرها هو عاجبنى ...لا بصى متجيش ناحيتها اصلا .
سماح بتبصلها من فوق لتحت واتحركت ناحيه رحمه دى نملس

عليها تدينا شويه حلاوة.
رحمه شهقت وقعدت تكح لغايه عيونها بقت حمرا ودمعت ميه ميه.
رحيم اخده وقعدها على كرسى وقعد هو على ايد الكرسى وبص لسماح
رحيم اتحركى يا زفته .. جيبلها ميه ....هتروح منى قبل ما اتجوزها.
سماح جريت على التلاجه جابت ميه اتفضلى يا مزة .
رحمه شربت وبدأت تاخد نفسها مين دى عايزه ايه!!.
سماح انا ياست الكل ..سماح اشطر كوافيرة فى المنطقه دى .
رحمه همست لرحيم خليها تمشي من هنا أنا هعمل ميك اب لنفسي.
رحيم بهمس لا علشان متقوليش ان انا استخسرت فيكى حاجة.
سماح انتوا بتهمسوا بتقولوا ايه ... شكلكوا بتحبوا بعض والنبى لايقين على بعض .
رحيم كان مقعد رحمه على كرسى وهو قاعد على ايد الكرسى .. وهوووووب رحيم وقع فى الارض وايد الكرسى انكسر.
رحمه بخضه بسم الله الرحمن الرحيم ايه يا ست انتي امشي من هنا.
رحيم بۏجع يخربيت ابوكى .. كانت شورة سودة .
رحمه مشيها من هنا بالله عليك هرجع.
رحيم خلاص يا سماح أنا رجعت فى كلامى .
سماح طلاق تلاته ما يحصل هاظبطك.
رحمه بقرف مشيها مش قادره مش شايف ضوافرها عامله ازاي.....ابعدها عني.
رحيم خلاص يا سماح امشى ... هى قرفت منك .
سماح فى اللحظه دى طلعت البيئه اللى جواها قر... قرفتى من ايه يا رووووحى منى ..دة كل نسوان الحارة يتمنوا ياخدوا ميعاد عند سماح ... دة انا اشطر كوافيرة فيكى يا منطقه ... دة انا كوافيرى بيشغى ناس .
رحمه بتترعش من الخۏف شايف ...شايف بتتكلم ازاي جايبلي واحده تعملي ميك اب ولا تاكلني ف ساندوتش.
رحيم ضحك بصوته كله خلاص بقا يابت ... امشى مش هاتمكيجها .
 رحمه شكرا أنا مش برسم الحاجات دي امشي بقا.
سماح انا ماشيه ...بس بكرة تقولوا تعالى