رواية بقلم فاطيما
المحتويات
ياربي على اللزقه
عبدالله طيب عن اذنكم انا خارج مش عايزين حاجه
مريم سلامتك يا عبدالله
علياء ما تتأخرش علينا يا عبدالله هنلبس ونستناك
ساره عايزين سلامتك يا ابو ريماس انا جايه اوصلك
عبدالله پحده كسفها خليكى مكانك احسن
علياء ماقدرتش تمسك نفسها من الضحك وساره من احراجها طلعت على اوضتها وهى متنرفزه
علياء احسن كسفها عامله نفسها بريئه ولا كأنها اديتها حريقه امبارح انما قوليلى فيكى ايه النهارده
رنا انا مالى
علياء يعنى نايمه بحال وصاحيه بحال بس تعرفى عجبتينى
رنا ليه بقي
علياء يعنى مخدتيش بالك من عبدالله اللى مكنش قاعد على بعضه من ساعة ما نزلتى
رنا اكيد من تأنيب الضمير مش اكتر
رنا يا سلام
علياء طيب والله عارفه يا رورو عبدالله اول مره يرضى ينزل معانا فى مشاوير كان بيسميها حريمى عالطول كان بيرفض ويعت معايا او مع الموكوسه دى السواق اشمعنا المره دى هو اللى هيودينا بنفسه
رنا بقولك ايه ماتيجى نتفرج على التليفزيون
ساره طلعت جناحها وكلمت اختها خلود على الموبيل ساره ھموت وهطق من جنابي يا خلود تصدقى كانت امبارح خلاص على وشك انه يطلقها الا الموضوع كله يتقلب على دماغى انا وتطلع هى الشريفه الطاهره وانا بتاعت المشاكل
خلود ولا يهمك اكيد ليها ماسكه بس انتى غلبانه مش عارفه تلعبيها
ساره لا يا خلود حاسه انها سحراله دا مش طايقنى خالص من ساعة ما جيت الفيلا حتى لما بيبقى عندى بحس فيه حاجه غريبه مش زى الاول معايا اتغير لا وكملت بانه هجرنى من امبارح وقالى لما يبقى يهدى منى هيبقى يجى على جناحى يعنى جت على دماغى انا
ساره يارب يا خلود دا انا هطق من جنابى لا واسكتى مش جاي معانا النهارده واحنا بنشتري الفساتين بتاعت الفرح
خلود عبدالله
ساره ايوه يا اختى عبدالله اللى بيكره مشواير الحريم نازل يلف معانا على فساتين على فكره انا قولتله انك جايه معانا ووافق خلصى وتعالى بقي قبل العصر انا مستحيل اخرج مع العقارب علياء ورنا دول لوحدى
ساره خاېفه يحرجنى
خلود لا انتى اعملى فيها عبيطه واركبي وخلاص
ساره طيب ما تتأخريش عليه
خلود ما تقلقيش قبل العصر هكون عندك
الكل لبس العبايات وجهز وعبدالله اول ما وصل اتصل على موبيل رنا هى شافت رقمه بس ما رديتش ترد عليه راح اتصل على علياء
عبدالله ايواا انا تحت يلا
علياء نزلت هى ورنا وقابلوا خلود اللى مستنيه ساره تنزل ...
علياء اهلا ازيك يا خلود
خلود كويسه يا بنت عمى
رنا اهلا وسهلا
خلود من غير نفس اهلا
خلود يلا يا ام ريماس ابو ريماس مستنيكى بره
علياء بهمس لرنا دى مصدقه نفسها والله لو خرجنا احنا وركبنا ليطلع بالعربيه ويسيبهم فى الشارع
رنا ېخرب عقلك اسكتى بقى هضحك
علياء يلا بينا
وخرجوا عبدالله كان واقف بره العربيه اول ما شافهم عيونه كانت على رنا جت ساره تقرب من باب العربيه اللى قدام
عبدالله ارجعى ورا يا ام ريماس جنب اختك وعلياء
ساره اتجمدت من الاحراج بس اختها خدتها ورجعت ركبت ورا وبهمس معلش اصبرى وكبرى مخك
عبدالله اركبي معاهم يا علياء
رنا انا ...
عبدالله سمعتى يا علياء انا قولت ايه
علياء حاضر وبهمس لرنا يلا بقي اركبي
رنا .. مكنتش عايزه اركب جنبه بس فى نفس الوقت قولت انه ارحم من ساره واختها اللى شكلهم عايزين يخنقونى وركبت من غير كلام
الطريق كان طويل جدااا تقريبا ساعه ونص عقبال ما نزلنا للاسواق والمحلات عبدالله نزلنا عند مول كبير وقال انه هيستنى فى كافتريا واول ما نخلص نكلمه وروحت انا مع علياء وساره خدت اختها وبعدوا عنا وراحوا مكان تانى ...........
فضلنا نلف لغاية ما عجبتنا فساتين جميله واشتريناها وعرفت من علياء ان ممنوع نبقى بشعرنا فروحنا ندور على طرح تليق على الفساتين وخلصنا وروحنا على الكافتريا اللى قاعد فيها لاقينا ساره واختها قاعدين معاه اول ما شافنا قام
عبدالله هاا
متابعة القراءة
