قصة كاملة بقلم يارا رشدي
الي يخليني من اول يوم ادور علي فيس بتاعك واحاول اوصلك ! واقعد قدام الفيلا اكتر من يوم استناكي تخرجي علشان اكلمك ..
انا من الاول يا نيره كنت عايز اخطبك بس لما لقيت دماغك رايحه في حته تانيه واني عايز انتقم منك بسبب ريم وحاجات غريبه كده سكت وقولت لما اقرب منك وتعرفني اكتر هتغيري فكرتك دي
_ عايز تفهمني اني لما قولتلك روحت لحازم شقته مفرقش معاك ولما فادي حكالك وقالك علي عيدالميلاد وصوري الي نزلت والفضحيه في كتب كتاب كل ده مهمكش لا ده انت ملاك بقي
تخيلي كل ده مهمنيش كل الي فكرت فيه نيره الي قدامي واحده رفضت تكلمني موبيل او حتي اقابلها وكل لحظه بتاخد قرار انها تقطع معرفتها بيا علشان خاېفه تكون بتكرر غلطتها تاني بتاعه حازم وبتساليني كلامنا كده غلط ختي لو شات غلط ولا صح ! مشكلتلك يا نيره انك ملقتيش حد يفهمك ايه الصح وايه الغلط !! علي فكره انا كدبت عليكي لما قولتلك ان كلامنا مش غلط لا هو غلط بس انا كدبت عليكي علشان متبعديش
حرك راسه بالنفي وهو يقول بصدق
عمري يا نيره ما هعمل انتي عرفتيني فتره تفتكري ممكن يطلع مني حاجه زي كده في يوم من الايام !!
_ وريم
_ مالها ريم دي كمان !!
_ ممكن تكون لسه بتحبها وتكون عايز تنساها بيا وتيجي بعدين تقولي انك معرفتش تنساها
يجلس يراقب كل ما يحدث پغضب مكتوم وافقت نيره علي حسام !!
هتفت ناديه وهي تضم نيره الي احضانها
مبروك يا حبيبتي
_ بكره باذن الله هجيب اهلي نتفق ونقرا الفاتحه ونشوف ميعاد الخطوبه
قالها حسام ليقول فادي
او فرح علي طول ليه خطوبه وتضيع وقت
نطقت تلك العباره نيره ليقول حسام
لو عليا عايز كتب كتاب دلوقتي بس
_ لا ما هي لازم تشكرك مش كفايه مستحملين قرفها من يوم ما جات عندنا
قالها سليم ليقول حسام بتحذير
انا مش عايز ازعلك مني واعمل مشاكل ياريت تتكلم كويس معاها وخلينا حلوين مع بعض
_ هي وسليم دايما كده ناقر ونقير
بهمس الي حسام
معلش اصل مراته طالبه الطلاق تلاقي اعصابه تعبانه شويه
_ هو انت مش مفروض عريس من كام يوم بتعمل ايه هنا !!
قالها حسام باستغراب ليقول فادي وهو يربت هئيته ويقوم بتحريك رقبه قميصه
لا ما هو انا طلقت العروسه بعيد عنك ليله بعد الفرح ما خلص
_ حاول تتعود علي عيله الي انت دخلتها دي ومتستغربش اي حاجه
قالها فادي وهو يرتب عليه بجديه متصنعه ..
ويوم حفل الخطبه ..
انتهت خبيره التجميل من تزينها ثم رحلت اما نيره نظرت الي هيئتها بالمرآه ترتدي فستانها وبعض مستحضرات التجميل علي وجهها بالاضافه ابتسمت بسعاده واضحه ..
كانت تخشي ان تعترض عائله حسام عليها ولكن لم يحدث ذلك والده ووالدته رحبوا بها كثيرآ ..
من الواضح ان حسام لم يخبرهم ب اي شئ يخصها سوا انها كانت متزوجه من قبل وهما لم يعترضوا علي ذلك ..
وبعد مرور الوقت ..
جلست علي الفراش تنظر الي هاتفها بقلق تاخر كثيرآ بالاضافه انه لا يقوم بالرد عليها ..
سقط قلبها بين ضلوعها سوف يفعل بها كما فعل حازم .. كل شئ وضح امامها
تحركت من الغرفه ثم هبطت الدرج بخفه حتي لا يلاحظها احد ..
الفيلا باكملها ممتلئه بالاشخاص كل هولآء ستفضح امامهم مره اخري !!
لما هي مكتوب عليها يحدث معها هذا !
لمحها فادي اقترب منها وهو يقول
ايه الي نزلك عريسك لسه موصلش
_ مش هيجي يا فادي هيعمل فيا زي حازم
قالتها بحسره والدموع في عينيها ليقول فادي
انتي بتقولي ايه
