الفصل الثلاثون
وقربت منهم واتكلمت بقلق: هو في ايه..؟
ردت قسمت بتمثيل: شكل زين بيضارب مع والده وجده..
لتتابع باقي حديثها بمكر: مش عارفه ايه اللي حصله دا كان طول عمره مش بيحب الصوت العالي ولا المشاكل
كملت جيلان حديث والدتها وهي بتنظر ل عليا پحقد: شكل زين مبقاش عارف هو بيعمل ايه واختيارته كلها بقت غلط واكيد دا مزعل جده ووالده
اندهشت عليا من حديثهم وهي مش فاهمه هما يقصدوا ايه...
خرج كمال من غرفة المكتب بانفعال واتجه للخارج.. وقفت عليا تتابع خروجه بقلق وقربت من غرفة المكتب عشان تطمن علي زين...
وقف زين جنب جده وهو بيحاول يهديه .. قعد الجد بتعب وحط ايده علي قلبه..
اتكلم زين مع جده بهدوء: جدي عشان خاطري متزعلش وحاول تاخد نفس بهدوء
واتجهت بنظرها للجد وتابعت كلامها پخوف: هو جدي ماله ..؟
طمنها زين وقرب من مكتب جده واخد الدواء واعطاه لجده .. اخد جده الدواء وبعد دقايق قليله شعر بالراحه .. قبل زين ايده بحزن واتكلم بهدوء: جدي عشان خاطري بلاش تزعل نفسك
: انا كويس يا حبيبي اطمن .. المهم انت روح شوف موضوع جانيت دا ..عشان انا قلبي حاسس انه بفعل فاعل واحنا لازم نعرف كل حاجه بتحصل حوالينا عشان نعرف الضربه بتيجي منين
نظرت عليا ل زين وجده بعدم فهم وتابعت زين وهو بيرد علي جده
اتكلم زين برفض: بس حضرتك تعبان يا جدي ومش هقدر اسيبك لوحدك
ليتابع الجد كلامه بتأكيد: مرات ابوك مهما عملت شايله اسم العيلة يا زين ومسؤله مننا يعني لو احتاجت تتعالج خارج مصر او احتاجت اي حاجه هي ملزومه مننا ..انت فاهم
رد زين بتأكيد: طبعا يا جدي اطمن
وقرب زين من عليا واتكلم بهدوء: حبيبتي خليكي جنب جدي وانا هروح المستشفى ومش هتأخر..متقلقيش
قعدت قسمت في غرفتها وهي بتحاول تتصل علي والدتها عشان تبلغها ان جانيت اتعرضت لحاډثه وتحكيلها المشكله اللي حصلت بين كمال ووالده....
في شركة جديده للهندسة المعمارية
دخلت جدة زين واتكلمت مع اول موظف قابلها: لو سمحت كنت عايزه اقابل
