الفصل الثلاثون

 البشمهندس حمزه
رد الموظف بتأكيد: طبعا يا فندم ..اتفضلي لحظه واحده هبلغه
وقفت جدة زين وهي بتنظر حولها وافتكرت حديث دار بينها وبين عليا في احدى الايام لما كانت عليا عيشه معاها وهي زعلانه من زين .. افتكرت كلام عليا عن حمزه وذكرها لموضوع سلسلة مامتها اللي حمزه اشتراها ورجعهالها.. حكت لها عليا بحسن نيه لكنها كانت بتسمعها بمكر وقررت تستخدم حمزه في خطتها وهي واثقه ان زين اكيد هيفقد عقله اول ما يعرف ان في اي علاقه بين حمزه ومراته وانه اكيد هيصدق اي حاجه يشوفها او يسمعها زي ما حصل لما شاف الفيديو اللي كان مع جانيت لما شاف حمزه وهو بيلبس عليا السلسلة ..  

سمعت رنت تليفونها ولقت المتصل قسمت .. خرج الموظف واتكلم باحترام: اتفضلي يا هانم البشمهندس في انتظارك .. اغلقت جدة زين تليفونها بعد ما رفضت المكالمة ودخلت مكتب حمزه
وقف حمزه ورحب بها: اهلا يا فندم اتفضلي
قعدت واتكلمت بغرور: أنا ابقى جدة زين الشافعي
وتابعت كلامها بمكر: زوج عليا

___________________

وصل زين المستشفى وسأل عن المصابه اللي جت في حاډثة اصطدام سيارة .. قربت منه احدى الممرضات واتكلمت بسرعه: هو حضرتك زوج المصابه 
رد زين: لا انا من عيلتها ..هي فين..؟
ردت الممرضه: لسه في العمليات اصل حالتها خطيره اوي

لتتابع الممرضه حديثها برغي: اصلهم بيقولوا ان العربيه اللي خبطتها ..صاحبها خپطها وهرب على طول وحتى العربيه مكنش عليها نمر عشان يعرفوا يوصلوله .. ربنا معاها ..ولاد الحړام بقوا كتير

اتكلم زين بزهق من حديثها الكتير: طب فين غرفة العمليات اللي هي فيها
ردت الممرضه: اتفضل من هنا
اتجه زين لغرفة العمليات ووقف بالخارج في انتظار خروج الدكتور.. وبعد اكتر من ساعة خرج الدكتور ومعاه مساعديه.. قرب منه زين واتكلم: لو سمحت يا دكتور انا زين الشافعي من عيلة المصابه ..ياريت تطمني عليها
رد الدكتور بأسف: اهلا بحضرتك .. انا أسف جدا بس الحاډثه كانت صعبه وللأسف اضطريناااا.......

بصله زين پصدمه وهو بيسمع باقي حديثه.....😱😱

خرجت جدة زين من مكتب حمزه وهي بتبتسم بمكر بعد اتفاقها مع حمزه علي خطتها الجديده في الايقاع ب عليا وتشكيك زين فيها.. وكانت سعيده جدا من تحمس حمزه ولهفته في تنفيذ خطتها للحصول على عليا.. ورجعت الفيلا وهي بتفكر ازاي تقنع عليا انها تشتغل مع حمزه.. لان شغلها مع حمزه هيساعدهم كتير في تنفيذ خطتهم

________________

عند الجد جلست عليا جانبه بقلق وكانت كل شويه تسأل ياترى ليه زين متكلمش لحد دلوقتي ياترى ايه اللي حصل ل جانيت وكانت قلقانه عليها جدااا
ابتسم الجد بهدوء واتكلم بفضول: انتي غريبه اوي يا عليا ..يعني بعد اللي عملته معاكي جانيت وزعلانه عليها دلوقتي ..دي كانت هتدمر حياتك وكنتي برضه ھتموتي بسببها

ردت عليا بصدق: بس الحمدلله ربنا حفظني وهي مهما كان روح وفقدانها صعب ومحزن 
ابتسم الجد بهدوء واتكلم بجديه: بس مش كل الناس تستاهل تعاطفك دا يا عليا ..في ناس موجدين بس عشان اذيتكم
بصتله عليا بعدم فهم ..
شرد الجد لحظات وبص ل عليا واتكلم بإيمان: بس ربنا ان شاءالله هيحفظكم وهيرد مكرهم في نحورهم

________________
وصلت جدة زين الفيلا وقابلتها جيلان واتكلمت بتوتر: كنتي فين يا تيته ..معرفتيش اللي حصل
نظرت لها جدتها بدهشه واتكلمت: في ايه جيلان ايه اللي حصل..؟
ردت جيلان وهي بتبص حواليها: مش هينفع نتكلم هنا تعالي في غرفة ماما

وقف زين پصدمه وهو بيستمع لكلام الدكتور وشرحه ل حالة جانيت
الدكتور: للأسف الحاډثه كانت صعبه جدا وحصل تشوه في الوجه من شدة الاصطدام والواضح ان العربيه دفعتها بقوة للأمام وكمل السائق طريقه ودهست العربيه النصف السفلي من جسدها وللأسف اضطرينا لعمل بتر للقدمين ..
فتح زين عينه پصدمه كبيره.. وتابع باقي حديث الدكتور
ليتابع الدكتور حديثه بحزن: احنا عملنا اللي علينا ..ادعيلها يعدى 24 ساعه  علي خير لان حالتها صعبه جدا 
وقف زين پصدمه وبدأت صورة جانيت تظهر قدام عينيه في اول مرة شافها في الجامعه وهي ماشيه بتتهادى بخطواتها وبتتباهى بجمالها .. اد ايه كانت بتحب نفسها وكانت دايما بتتباهى بجمالها وهي فخورة بنفسها .. كانت دايما بتفكر في الشئ اللي يسعدها وبس ..كانت دايما مستهتره وعمرها ما فكرت في حلال وحرام ..واكيد دا عقاپ من ربنا ليها ..لأنها استخدمت نعمة ربنا في الحړام و الشړ ..اكيد الصدمه هتكون شديده عليها جدا.. اكيد مش هتقدر تستحمل حاجه زي دي ..

"النعمة إذا شكرت قرت.. وإذا كفرت فرت"

﷽

قال تعالى : {وَرَبُّكَ الْغَفُورُ ذُو الرَّحْمَةِ لَوْ يُؤَاخِذُهُمْ بِمَا كَسَبُوا لَعَجَّلَ لَهُمُ الْعَذَابَ}