جميله رغم الصعوبات بقلم الكاتبه المجهوله
بس انت بس ٥ دجايج روح مع الممرضة عشان تعقمك
دخل ابراهيم لأبيه ووقف لجواره جوم يا بوي عشان خاطري أنا مش حمل صدمات تانية أنا محتاج لحضنك جوم عشاني
نزلت دمعه مسحها سريعا وقبل يد أبيه وخرج التم حوله الجميع يسألونه عن حاله.
ابراهيم محاولا الثبات_ .. الحمد لله ادعوله
رفع عينه وجدها تنظر إليه وكأنها تقرأ مابه ود لو بمكان آخر فهو يحتاج إليها ليشكي إليها ما به.
الطبيب_ .. الحمد لله يا جماعة الحاج فاج وحننجله حجره عادية.
هلل الجميع وفوجئوا بزرغودة مجلجلة للمستشفي كلها مسك جمعه يد رقيه_ .. كنك اتخبلتي يا بت احنا في المستشفي.
الدكتور_ .. الرجاء الهدوء يا جماعة احنا في مستشفى
جمعه يهمس لرقية_ .. مبسوطة كده
رقية بدلع تهمس_ .. ولا يهمني والله بس نروح البلد وحملا البلد هيصة وزغاريد
نظر إليها بحب_ .. امتي يا بت نروح وتزيل الغمة وانت كمان وحشتيني جوي.
رقية_ .. اتلم يا راجل.
ربيع_ .. بركة جومتك بالسلامة يا خوي.
عبدالرحيم بضعف_ .. الله يسلمك يا خوي.
تقدم ابراهيم وقبل يده_ .. الحمد لله ألف سلامة عليك جوم بالسلامة وحشتني جعدتنا مع بعض.
ربت على يده بضعف_ .. ربنا ما يحرمني منكم يا ولدي.
مرت الأيام وأخيرا يوم عاد الأب
كان يجلس عبدالرحيم يبدو عليه الحزن ومعه أخيه
عبدالرحيم_ .. بحاول والله عشان خاطره هو بالذات
دخلت من الباب نسمه ابنة علاء تجري ارتمت بحضن جدها ودخل خلفها أبو ليلي وزوجته صفاء سلموا عليهم
عبدالرحيم_ .. الحمد لله يا خيتي كيفك.
صفاء_ .. الحمد لله بركة جومتك بالسلامة.
ربيع_ .. متشكرين لسؤالك يا ابو ليلي
أبو ليلي_ .. آني راسي منكم في الأرض عز جاني وفرجني الفيديو بتاع بتي هما الاتنين خدوا جزاتهم اللي يستحجوها.
ربيع_ .. متجولش كدا انت مش بس جوز اختنا انت أخ لينا
عبدالرحيم وهو يحتضن نسمة_ .. نسمه محظوظة كلنا حواليها حنراعيها.
بالخارج يأتي ابرهيم بالعجل الثاني ويذبحه بنفسه وحوله الشباب يساعدوه وأهل البلد يتوافدون منهم الفقير يفرح بنصيبه من اللحم ومن يدخل ليهنئ بشفاء عبدالرحيم
عند النساء بالمطبخ صنعون المشروبات من الشاي والعصائر والقهوة وفاطمة تسوي طعام الكاتبة المجهولة
دخلت عزيزة_ .. مين اللي بتسوي وكل
ام إمام_ .. دي ست فاطمة جلنالها الطباخ بيسوي مفيش فايدة
فاطمة_ .. الطباخ لسه جاي وعلي مل يطبخ والأكل يطيب مش أقلمن ساعتين وأكتر طب لو حد من الضيوف ماشي والرجالة عزموا عليه باكل حنقله استني لما الأكل يطيب
لم تكمل كلامها حتي دخل مختار _ .. جوز عمتي بدوا يمشي توا مفيش اي وكل زين الطباخ ما زال ما سوا شي ضحك الجميع
فاطمة بفرحة وابتسامة_ .. ١٠ دقايق والأكل يكون جاهز
ضمتها عزيزة_ .. تسلم يدك يا مرت الغالي بنت أصول صح.
عمت الفرحة في كل مكان ليلا كانوا يجلسون جميعا
عزيزة فجأه_ .. وه وينها نسمة مشفتهاش من العصرية.
عبدالرحيم بقلق_ .. شوفيها تكون بتلعب مع العيال.
نادت برعب_ .. يا ام إمام يا أم إمام
جاءت مخضوضة_ .. في إيه حصل حاجة و ليه
عزيزة_ .. مشفتيش نسمة.
ام إمام_ .. خضتيني يا حاجة نسمة مع فاطمة طول النهار وهي لازجة فيها لحد ما نامت طلعتها تنام معاها في الشجة وجالتلي أخبركم بس أنا انشغلت في الطلبات.
الكل تنفس ألصعداء_ .. الحمد لله
رقية في السر لزوجة زين_ .. والنبي فاطمة دي مالها زي لو اي حد مكانها كان كره البت ويمكن كان انتجم منهم فيها.
زوجة زين_ .. طب اجفلي خشمك واصل الكل موصي نجفل عالماضي وننساه بكل اللي فيه منجصينش وما صدجنا الجو هدي والفرح دخل لينا من تاني.
عبدالرحيم_ .. يالله كل واحد علي شجته الوجت اتأخر خلينا ننام.
هو ابراهيم والشباب وينهم.
رقية_ .. الكل فرحان بسي براهيم ومعايزينش يسيبوه واصل .
عبدالرحيم بفرحة_ .. الحمد لله ألف حمد ليك يا رب.
بعد وقت طويل وقد تخطت الساعة الواحدة صباحا دخل ابراهيم شقته ثم دخل مباشرة لحجرة النوم فقد اشتاقها كثيرا فاليوم اول مرة تبعد عنه كل هذه المدة فمنذ الصباح ما بين الذبح واستقبال الناس ولكنه لم يجد فاطمة شعر بالړعب فذهب للمطبخ لم يجدها ثم ذهب لحجرة الأطفال فارتاح قلبه عندما وجدها تحتضن نسمة وتنام بسلام.
تقدم بهدوء وأحكم الغطاء علي نسمة وحمل فاطمة بين يديه واتجه لحجرتهما كانت متعمقة في النوم فاليوم والفترة التي تسبقة كانت مرهقة للجميع وضعها علي السرير وغطاها ودخل الحمام تحمم وغير ملابسه لملابس بيتية تمدد لجوارها وهو يتأملها مبتسما جذبها بين ذراعيها ونظر لوجهها وهي مقابلة له فحدث نفسه أنه احبها كثيرا وانها ونعم الزوجة له وود لو يحاوطها بين ذراعيه لوقت طويل ولكنه خشى أن تستيقظ ولم يدرى ابراهيم أنها تمللت واستيقظت وتفاجأت به ونظرت حولها_ .. أنا جيت هنا ازاي
ابتسم لها_ .. أني جيبتك يا حبيبتي
تبسمت بخجل واخفضت رأسها فاحتواها بذراعيه_ .. انهاردا رغم الفرح والاحتفالات بس كان صعب جوي وانت بعيدة عني
نظرت له بخجل_ .. ربنا ما يحرمني منك أبدا
احتواها ابراهيم وعاش معها أول حياتهما الزوجية وهو في كامل قواه العقلية.
ثاني يوم كان يجلس رجال بيت ربيع وعبدالرحيم في المربوعة.
ربيع_ .. وانت نا وي علي إيه يا ابراهيم
ابراهيم في إيه يا عمي.
ربيع_ .. حتشتغل إيهحتمشي أمور حياتك كيف.
عز_ .. إيه رأيك تشاركني فشركتي في اسكندرية.
نظر ابراهيم لأبيه الذي وجد بعينيه حزنا لا يريده ان يبعد عنه_ .. لا انا حنفذ حلم أبوي
جمعة_ .. واه حلم إيه
ابراهيم_ .. اكبر مزرعة المواشي ونفتح مصنع ألبان.
فرح أبيه كثيرا فقد كان حلمهوعمل مزرعة فعلا ولكن ما حدث لإبراهيم في الماضي احبطه بقي مشروع صغير..
ربيع_ .. عين العجل فكرة مليحة
مرت السنوات بعد ١٥ سنة تقريبا في فيلا ابراهيم التي بناها بجوار بيت العائلة وهم علي مائدة الطعام
فاطمة وهي تطعم ابراهيم_ .. أنا حخلص عيادة بدري انهاردا عشان اروح مع نسمة نخلص بقيت جهازها.
نسمة بنت علاء_ .. حبيبتي ربنا ميحرمنيش منك يا مامتي.
آدم الابن الأكبر لإبراهيم وفاطمة بغيظ_ .. يا ماما هو بابا صغير بتأكليه
ابراهيم وهو يلعبله حواجبه_ .. وانت مال اهلك واحد وحبيبته إيه دخلك يا حسري
فاطمة الأخت التوأم لآدم والتي أصر ابراهيم ان يسميها علي اسم محبوبته_ .. مش عارفة كل يوم نفس الموال خد دي يا دومي
وحشرت قطعة لحم بفمه ضحكوا عليه جميعا.
عبدالرحيم الابن الأصغر عمره ٥ سنوات_ .. ماما وتلينيوكليني بوي كبير
ابراهيم_ .. أنا مش عارف انتم مالكم ومالي
نسمة بضحك وهي تطعم عبدالرحيم_ .. حبيبي يا ناس كبير وياكل لوحده الكاتبة المجهولة
ابراهيم وهو يتصنع الغضب_ .. جصدك إيه يا بت انت.
انفجروا جميعا ضحك_ .. والله ما اجصد يا بوي.
دخلت مروة وجاد أبناء جمعة بعد السلام وجلسوا معهم علي الطعام
آدم_ .. أنا حاسس ان جاد بيضبط نفسه علي ميعاد الأكل.
جاد_ .. وانت مالك يا بارد وبعدين آه عندا فيك أنا بحب وكل ماما فاطمة
فاطمة_ ..
ألف هنا وشفا يا حبيبي.
طلع جاد لسانه لآدم.
ليلا بحديقة الفيلا والكل مجتمعين
ابراهيم_ .. غيبت المرة في اسكندرية
عز وهو يلاعب طفلته علي قدمه_ .. الشغل كل ما دا ما بيزيد
دخلت نيفين وبطنها كبيرة وتمشي بصعوبة_ .. السلام عليكم
رد عليها الجميع
نيفين وهي تمد له التليفون_ .. رشاد بقاله ساعة بيرن عليك.
وقفت سندتها فاطمة لتجلس وقف عز وذهب بعيدا يتحدث في التليفون.
فاطمة وهي تتحدث مع نيفين_ .. انت في الكام
نيفين_ .. في آخر التامن بس الدكتور قالي أكون مستعدة في أي وقت بسبب السن ممكن تبقي ولادة مبكرة
فاطمة_ .. ربنا يكملك على خير أنتي مش كبيرة أ يه يعني.
نيفين_ .. انا اللي عملت كدا في نفسي واتأخرت في الحمل بسبب حبوب منع الحمل اللي كنت باخذها.
فاطمة_ .. كله مقدر ومكتوب
وهي تلاعب ابنة عز_ .. دي بسوم صغنون العيلة وقمرها
جاء عبدالرحيم_ .. أماي عاوز أثيل بسمة
جاء عز وحمل بسمة_ .. أبعد يا لن ابراهيم أحسن أطخك انت وابوك
عبدالرحيم_ .. بسمة بتاعتي أنا
ضحكوا عليه جميعا واحتضنته فاطمة_ .. صحيح يا ابو بسمة هي فاتن أخبارها ايه.
عز بضجر_ .. للأسف اطاجت للمرة التانية ورشاد غلب فيها لا هي عارفة تفلح في جوازةولا فلحت في مهنتها وكل شوية مشاكل في المستشفي
فاطمة_ .. ربنا يصلح حالها.
ابراهيم_ .. عندي ليكم مفاجأة تساءل ابجميع
ابراهيم_ .. حنفتح مصنع جديد في المحافظة.
هلل الجميع مهنئا انتهي اليوم بفرح وسعادة في غرفة نوم ابراهيم وفاطمة
فاطمة وهي تجلس علي السرير_ .. ورانا شغل كتير الاسبوع دا وحضرتك شايل إيدك خالص
جلس ابراهيم لجوارها فنظرت له _ .. انت بكرة توزع كروت الدعوة وتشوف الطباخ لسه مجابش الحاجة
لم يرد وفقط يبتسم
فاطمة_ .. يوووه يا ابراهيم أكبر بأه
ابراهيم_ .. وأنا معاكي بحس اني عيل صغير
فاطمة بدلع_ .. ابنك كبير وبنتك عندهم ١٤ سنة وبقوا طولك
ولا اعرفهم اعرفك أنت وبس
خبط الباب ابراهيم وهو ينفخ_ .. مبسوطة يختي أهو تلاقيه رزل منهم
فتح الباب دخل عبدالرحيم_ .. ماما نام جنبك
ذهبت إليه_ .. حبيبي يا ناس هو انا مش نيمتك
ابراهيم_ .. اياك اسمعك تجولي حبيبي تاني ضحكت فاطمة بشدة
ابراهيم_ .. مبسوطة يا اختي ماشي حرجعلك ابراهيم العيل تاني وابجي شيلي بجه
فاطمة_ .. في كل حالاتك حبيبي
تمت بحمدلله
