الجزء ال11من رواية شيب العذارى

ما كنت عرفت الحقيقة
لان الحقيقة اكدت الظنون البشعة الي كانت في دماغي
وزودت حيرتي اكثر وبدل ما كنت عايزة اعرف اجابة سؤال واحد دلوقتي عندي اكثر من مية سؤال عايزين اجابة
واول سؤال
ياتري الحمل الي في بطني هيبقي ايه
هيطلع ايه بالظبط 
والسؤال الاهم
هو ..
هل الكلب الي دخل عليا في ليلة ډخلتي هو نفس الكلب الي بيهجم علي دعاء كل ليلة في المقاپر 
وازاي كلب او عفريت يوصل للمېت اصلا
وازاي مېت يجيب فوطة وخصلة شعر بيضاء في المتام
وامي تصحي تلاقيهم في الحقيقة
واشمعني العفريت اختار نبرة صوت زوج امي بالتحديد 
ولية دعاء بتستغيث من زوج امي برضوا بالتحديد
لا كده بقي اكيد جوز امي له علاقة بالي بيحصل ورجعت افكر
واقول ...
يكونش جوز امي لما اتعض من الكلب بتاع الدجال
اتحول وبقي جني ومش بني ادم
يلهوي... دا كدا بقي امي كان عندها حق لما فكرت تخلص منه
ورجعت اراجع نفسي تاني
واقول ...
بس ازاي جوز امي مش بني ادم دا بياكل وبيشرب وعايش حياتة زي اي بني ادم عادي
يبقي ازاي نقتلة بدون ذنب
ورجعت تاني اقول....
لا بس الي بيحصل مش طبيعي و اكيد جوز امي وراه سر
للكاتبة .. حنان حسن
وفي اللحظة دي
بدون ما حد يعرف اني براقبة
وخصوصا عز الدين
لانة في الاول وفي الاخر
جوز امي يبقي ابوه
وقبل ما اتحرك من مكاني فضلت اتلفت حواليا لغاية ما لقيت سلسلة المفتايح بتاعة عز الدين وانا كنت عارفة ان السلسلة بتاعة عز الدين فيها كل المفاتيح بتاعة البيت حتي المفتاح الي بيفتح غرفة جوز امي ومفتاح مكتبة
کمان
عشان كده اخدتهم بدون ما عز يشعر وخفيتهم في جيبي
وبعدما عز رجع
قعدت معاه شوية
وبعدها سيبتة ورجعت علي غرفتي
للكاتبة .. حنان حسن
المهم ...
بعدما استأذنت من عز الدين
ورجعت لغرفتي
لقيت نفسي بمر من امام المكتب بتاع جوز امي
ولقيتني بقول لنفسي انا كنت بسمع من امي ان المكتب دا جواه اسرار الدكتور
خليفة كلها
ايوه فعلا... انا بنفسي كنت بشوف جوزها بيقفل علي نفسة في مكتبة و بيقضي يومه كله في المكتب دا
وممكن لو دخلت مكتبة الاقي حاجة كده ولا كده
وبالفعل
واتسللت وفتحت مكتب جوز امي وقلت اشوف يمكن الاقي اي حاجة تدينة ... او تبرئة
وبعدما .. دخلت مكتبة
وقفلت عليا
قضيت طول الليل وانا بفتش في كل الادراج والملفات
والورق بتاعة
لكن للاسف ملقتش اي حاجة مهمة
وكنت تقريبا قربت ايأس واسيب المكتب واخرج
لكن الي رجعني عن فكرة الخروج من المكتب هو
... الملف الازرق الي جه في ايدي اخيرا
والي خلاني ركزت مع الملف
هو الصورة الي جواه
اصلها كانت صورة شخص اعرفة كويس اوي
ومجرد وجود صورة الشخص دا بالذات في مكتب جوز امي
فا دي لوحدها مصېبة سودة
ودا خلاني اتفحص الملف الي في ايدي كله بمنتهي التركيز
وبعدما شوفت الصورة بتاعة الشخص اياه... و انتهيت
من قراءة الملف
دماغي اتقلبت حرفيا
عارفين ليه ...