بقلم مريم احمد
المحتويات
بتأكيد و قالها
خالد...زي م سمعتي كدا انتي هتبقي مديرة فرع الشركه دا
نغم...انا متشكره اوي يا خالو بس انا حسه اني مش هقدر اكون المديره حسه اني لو بقيت المديره الفرع هيقع ف بلاش انا
هز خالد راسه يمين و شمال برفض و قالها
خالد...مغيش الكلام دا الي بقول عليه هو الي هيتنفذ و انا متأكد انك افضل واحده تمسك الشركه يا نغم و متأكد كمان الفرع الجديد دا هيبقى انجح فرع في سلاسل الشركه كلها
نغم...مش عارفه اقولك ايه بس كلامك دا خوفني و وترني اكتر
ضحك خالد على كلامه و هي كمان ضحكت
نغم...انا هقوم بقى اكمل شغلي ماشي
خالد...ماشي بس بقولك ايه
نغم...نعم
خالد...مراد رضوان صاحب شركة M R
بصتله نغم بتركيز و قالتله
نغم...ايوا اسمع عنه
خالد....انهارده جاي عشان الاجتماع لازم ورق الصفقه الجديده كلها يبقى جاهز
نغم....عيب
عليك يا خالو الورق جاهز من بدري جدا و محطوط في الفايل كمان
ضحك خالد و قالها
خالد...متتخيليش يا نغم يا حبيبتي انا فخور بيكي قد ايه
بصتله نغم بفرحه و قالتله
نغم...بجد يا خالو
خالد...بجد يا حبيبة خالو
...................
عدى وقت و جيه معاد الاجتماع و كانت نغم موجوده و بذكائها و تركيزها مقبلتش ان شركة خالها تكون خسرانه حتى لو 1 لدرجة ان خالها نفسه كان في حاجات هو مكنش مديها اهتمام انها ممكن تأثر على الشركه بس نغم طبعا كانت مركزه كويس جدا
خلص الاجتماع و خالها شكرها على حضورها الاجتماع و انها خاېفه على مصلحة الشركه
نغم...معقوله يا خالو بتشكرني انا معملتش حاجه!!
خالد...طبعا لازم اشكرك انتي متتخيليش الشركه كان ممكن تقع ازاي و الحمدلله انك حضرتي الاجتماع
ابتسمت نغم و قالتله
نغم...لا لا متقلقش خير
خالد...عرفتي ليه بقى انا واثق ان فرع الشركه الجديد خيبقى انجح قرع فيهم كلهم
نغم...انا هروح بقى اشوف شغلي
هز خالد راسه و هو كمان راح لمكتبه
................
كان قاعد في مكتبه بيتابع شغله بتركيز لحد م صوت خبط الباب قطع تركيزه
ساب الورق الي في ايده و قال
خالد....اتفضل
اتفتح الباب و دخل السكيرتير و هو بيقول
عادل...مراد بيه عايز يقابل حضرتك يا خالد بيه
هز خالد راسه بتأكيد. و قاله
عادل...حاضر يا خالد بيه
و خرج و بعد شويه جيه مراد
قام خالد وقف باحترام و قاله بترحيب
خالد....اتفضل يا مراد بيه
قعد مراد و خالد كمان الي قاله
خالد...خير في حاجه حابب تضيفها للعقود
هز مراد راسه يمين و شمتل برفض و قال
مراد...لأ خالص انا مش جاي عشان حاجه تبع الشغل
قفل خالد حواجبه باستغراب و قال
مراد...في الحقيقه انا كنت عايز رقم والد الانسه نغم الي كانت في الاجتماع انهارده
خالد...هي والدها و والديتها متوفيين و انا خالها أؤمرني
دعالهم مراد بالرحمه و خالد امن على دعاء مراد
مراد...طيب خلينا ننسى الشغل و اسمحلي اني اجي في يوم اطلب ايد نغم هي بني ادمه محترمه و انا حبيت اطلب ايدها منك على طول
فرح خالد جدا بس قاله
خالد...دا شرف لينا بس في النهايه القرار قرارها هي و انا لازم اخد رأيها الاول
قاله مراد بتأكيد
مراد...ايوا طبعا ليكوا وقتكوا اكيد
هز خالد راسه بإحترام ليه و هو فرحان جدا لبنت اخته الي بيعتبرها بنته
...................
جيه الليل و كانت نغم قاعده في الجنينه و هي بتحمد ربنا على النجاح الكبير الي وصلتله
جيه خالها و قعد قدامها و هو بيقولها
خالد...عندي ليكي خبر حلو
ابتسمت نغم و قالتله
نغم ...قول يلا فرحني
خالد...مراد رضوان طالب ايدك و مستني منك رد
اختفت ابتسامتها و اتحولت ملامحها للصدمه و قالتله
نغم...و انت قولتله ايه
خالد...قولتله ان القرار قرارك انتي و هو مستني ردك
هزت نغم راسها و قالتله
نغم...طيب قوله ان طلبه مرفوض وووووو
يتبععععع
بقلمي مريم احمد
سبحان الله و الحمدلله و الله اكبر
22
خالد...مراد بيه طالب ايدك يا نغم مستني ردت
اختفت ابتسامتها تدريجيا و احتلت الصدمه ملامحها
لاحظ خالد
خالد...نغم
ردت عليه بهدوء و هي بتقول
نغم...ايوا يا خالو
خالد...قولتي ايه يا بنتي
حاولت تمنع نفسها من العياط و قالت
نغم....قوله ان طلبه مرفوض يا خالو
اټصدم خالد من رفضها لأن مراد بني ادم كويس و ناجح في شغله و ليه اسمه و اسم شركاته معروفه و هو عن نفسه فرح جدا لنغم اول م مراد طلب منه انه يتجوزها
خالد...طيب ليه كدا يا بنتي
هنا مقدرتش تمنع نفسها من العياط اكتر من كدا و نزلت دموعها پقهر و قالت
نغم....اوافق عشان اعيد نفس الحكايه تاني يا خالو اوافق عشان امه و اخته يفضلوا يضايقوه مني و ف الاخر يجي انا و يزعقلي من غير حتى م يسمعني!! اوافق عشان اعيد نفس كل دا تاني!!!
زعل خالد جدا عليها و قالها
خالد...حبيبتي مش معنى ان حسن كان و اي حاجه صباح و سجده يقولوها يصدقها و ميسمعلكيش يبقى كلهم كدا انا شايف انك تدي نفسك و مراد فرصه لأني شايف انه كويس و بيحبك بجد
ضحكت نغم بۏجع و قالت بصوت كله حزن
نغم...خالو يا حبيبي حسن كان بيحبني جدا و مع ذلك كان
اتنهد خالد و هو مش عارف يقولها ايه
خالد...طيب بصي..
قاطعته نغم لما قالت
نغم.....خااالو الموضوع بالنسبالي منتهي انا مش هتجوز تاني خلاص انسى
خالد...م هو مينفعش كدا يا نغم اادنيا مبتقفش على حد ولا عشان حاجه حصلت الكل بقى وحش مفيش الكلام دا
عيطت نغم و هي بتقول
نغم...و افرض طلع زي حسن يا خالو ...افرض ضړبني زي م حسن كان
قالها و هو بيحاول يطمنها و يأكدلها ان مش كل الناس زي حسن و صباح و سجده
خالد....انا واثق ان مراد مش هيعمل كدا يا حبيبتي
هزت نغم راسها و مسحت دموعها
ابتسم خالد و قالها
خالد...هاا اخليه يجيب اهله و يجوا
ابتسمت نغم و هزت راسها بالموافقه
في الوقت دا جت شيرين و هي بتقول
شيرين....مين دول الي يجوا
بصت لنغم و قالتلها بضحك
شيرين...في عريس ولا ايه يا نغوم
هزت نغم راسها و هي مبتسمه
صړخت شيرين بفرحه كبيره و هي بتقول لنغم
شيرين....بجدددد!!!!!
ضحكت نغم عليها و خالد الي قالها بفرحه و ضحك
خالد...بتعرفي تزغرطي يا شيري
قالتله شيرين بتأكيد و فخر بنفسها
شيرين....طبعاااااا حتى اسمعوا كدا
و في ثواني كانت بتزغرط بصزت عالي لم عليهم كل الي في البيت
ضحكت نغم عليها من قلبها و سجده الي قالت لشيرين بزهق
سجده....ايه ايه فاكره نفسك في الشارع!!!
شيرين...و انتي مالك انتي واحده و فرحانه لبنت عمتها
صباح...طب م تفرحونا معاكوا
سكتت نغم و متكلمتش و شيرين قالت
شيرين...نغومه متقدملها عريس
فرحت هيام جدا و قالت لنغم بابتسامه و فرحه
هيام...بجد الف مبروك
ابتسمت نغم على حب مرات خالها ليها و قالتلها
نغم...الله يبارك فيكي يا احلى يومه في الدنيا
بصت سجده لنغم و قالتلها
سجده...و دا مين دا بقى يا نغم
قالت نغم بهدوء
نغم...مراد رضوان
اټصدمت صباح و قالتلها
صباح...نعم!!!
سجده...مراد رضوان صاحب شركات M R !!!!
هزت نغم راسها بهدوء
اضايقت سجده جدا بس اضطرت تبتسملها و دا طبعا ميمنعش ان الغل و الحقد بان في صوتها و هي بتقول
سجده...مبروك!
خاڤت نغم من كميه الحقد الي بان في صوت سجده و قالتلها
نغم...الله يبارك فيكي
خالد...ايه يا صباح مش هتباركي لنغم ولا ايه
بصت صباح لنغم و قالتلها
صباح...الف مبروك
اكتفت نغم بإنها تبتسملها بهدوء و صباح الي دخلت القصر تاني هي و سجده
بص خالد لبنته پغضب و قالها
خالد...كان لازم تتكلمي و تقولي ان في عريس جاي يتقدم لنغم
شيرين...مكنش قصدي
قاطعتها نغم و قالتله
نغم...عادي يا خالو هو كدا كدا جاي و هما هيعرفوا
هز خالد راسه...ربنا يستر
ابتسمت نغم و قالتله
نغم...متقلقش كله خير ان شاء الله
............
كانت سجده قاعده في اوضتها ھتموت من كتر غيظها و هي بتدعي من كل قلبها ان الجوازه دي تبوظ و ان فرحة نغم متكملش ابدا
اتفتح الباب و دخلت صباح و هي باين على وشها الڠضب
اتنفضت سجده من مكانها پخوف بسبب صړيخ امها في وشها و هي بتقول پقهر
صباح....شوووفتي عشان قعدت اقولك انزلي اشتغلي في شركة خالك و انتي تقوليلي لأ مش عايزه اشتغل انا اقعد مكاني و الكل يخدمني في الاخر مراد هيتجوز نغم !!
سجده....مش دا كان كلامك ليا من زمان مش
كنتي بتفضلي تقوليلي انتي ملكه و المليكات مبتعكلش اي حاجه و الكل بيخدمها و طلباتها اوامر مش دا كان كلامك برضو
تضايقت صباح من نفسها جدا لأن فعلا هي قالتلها كدا
صباح...شششش اخرسي مش عايزه اسمع صوتك خالص لحد م اعرف هنعمل ايه!!
سجده بغل...الجوازه دي لازم تبوظ بأي شكل من الاشكال يا ماما
صباح...طبعا يا حبيبتي لازم نبوظلها الجوازه دي يإما انتي كمان لازم تتجوزي واحد ناجح في شغله زي مراد بالظبط
ابتسمت سجده بسخريه و قالت
سجده...مفيش حد ناجح في شغله زي مراد يا ماما
صباح...خلاص يبقى الجوازه تبوظ
سجده...ازاي بقى
صباح بخبث...اسمعي الي هقولك عليه و نفذيه بالحرف الواحد ووووو
..................
تاني يوم كانوا كلهم قاعدين بيفطروا في صمت
قطعت نغم الصمت دا لما قالت
نغم...خالو ممكن مروحش انهارده الشركه معلش
سابت شيرسن الاكل و بصتلها و هي بتقولها
شيرين...ايه الهبل دا هتسيبينس اروح لوحدي يعني ولا ايه
بصتلها نغم و متكلمتش
خالد...انهارده في اجتماع مهم لازم تحضريه يا نغم انتي عارفه في حاجات ممكن تخسر الشركه انا مبخدش بالي منها
نغم...بس يا خالو معلش مش لازم انهارده ممكن
اتكلم خالد بخبث و هو بيقولها
خالد...متقلقيش مش هيجي انهارده غير اخر اليوم عشان يعرف رأيك
بصت نغم في طبقها و هي مكسوفه لأنها عرفت ان خالها فهم انها مش عايزه تروح الشركه عشان لو مراد هيروح لخالها انهارده
ضحكت شيرين عليها و اتكلمت بصوت واطي عشان محدش يسمعها غير نغم و هي بتقول بضحك
شيرين...اوعي و انتي بتقدميلهم الشربات تقعي
نفخت نغم بتوتر و قالتلها
نغم...خلاص يا شيري انا اصلا متوتره لوحدي
ضحكت شيرين عليها و هي فرحانه جدا ليها
خالد...يلا يا نغم اطلعي هاتي شنطتك و انتي كمان يا شيري عشان منتأخرش على الشركه
هزت نغم راسها و راحوا للشركه
....................
كانت خديجه مامة مراد قاعده في جنينة قصرهم بتقرأ اذكار الصباح و هي سامعه صوت العصافير الي كانوا طايرين حواليها في الجنينه
جيه مراد و قعد على الكرسي الي قدامها و هو بيسمعلها
بتدعيله هو و اخته
ابتسملها بحب كبير و هي قالتله
خديجه...صباح الخير يا حبيبي
باس ايدها و قالها بحب
مراد....صباح النور على احلى ديچا في الدنيا
ابتسمتله خديجه و قالتله
خديجه... استنى هقوم اقولهم يحضرولك الفطار
مراد... لا لا خليكي يا حبيبتي انا متأخر اصلا لازم اروح الشركه
خديجه... مش ناوي تتجوز بقى يا مراد و تفرح امك
ابتسملها و قالها
مراد... انا اصلا جاي اتكلم معاكي في الموضوع دا
فرحت خديجه جدا و قالتله و هي مش مصدقه
خديجه... لاقيت عروسه!!!!
ضحك و قالها
مراد... ايوااا
زغرطتت بفرحه كبيره و هي حسه ان قلبها هيقف من كتر الفرحه
ضحك مراد جامد و قالها
مراد... بس بس الكومباوند كله صحي على صوت الزغروطه
خديجه...
متابعة القراءة
